У пятніцу 7 красавіка ў гімназіі адбылася сустрэча з паэтамі і пісьменнікамі, якія крочаць па жыцці шляхам Скарыны. Гэта Уладзімір Мароз, паэт і сцэнарыст, рэжысёр дакументальнага кіно; Наталля Касцючэнка, пісьменнік псіхалагічнага жанру, Анатоль Зэкаў, паэт і празаік, драматург і крытык, публіцыст і перакладчык.
Мерапрыемства прысвечана адметнай даце ў гісторыі нашай краіны - 500-годдзю беларускага кнігадрукавання.
Прысутным была вельмі цікава і карысна гэтая сустрэча. Старшакласнікі з вялікай увагай слухалі жывое паэтычнае слова, разважанні гасцей аб сэнсе жыцця і значнасці для кожнага роднай мовы.