24 мая 2018 года ў Мінскім абласным інстытуце развіцця адукацыі пройдзе абласны этап Рэспубліканскага творчага конкурсу юных чытальнікаў “Жывая класіка: прысвячэнне маёй Радзіме”.

У гэтым годзе конкурс праходзіць пад дэвізам “Чытаем шмат, чытаем разам, ствараем сябе і краіну!” і прысвечаны Году малой радзімы. Асноўнымі мэтамі мерапрыемства з’яўляюцца павышэнне цікавасці дзяцей і падлеткаў да чытання, выхаванне падрастаючага пакалення на лепшых узорах нацыянальнай літаратуры, прыцягненне ўвагі грамадскасці да праблемы чытання, пошук і падтрымка таленавітай моладзі.

У абласным этапе конкурсу прымуць удзел  лепшыя юныя чытальнікі гімназіі  Бабук Ілона, 4 клас, і гурт “Роднае слова”, 8 клас,  – пераможцы раённага этапу конкурсу.

Жадаем удзельнікам конкурсу новых поспехаў!