Калтовіч Уладзімір Васільевіч нарадзіўся 1 кастрычніка 1966 года ў г. Чэрвень Мінскай вобласці.
Вучыўся ў сярэдняй школе №1 г. Чэрвеня.
Скончыў у 1984 годзе Мінскі кааператыўны тэхнікум Белкаапсаюза, у 1992 годзе - Беларускі дзяржаўны інстытут народнай гаспадаркі імя В. У. Куйбышава, у 2001 годзе - Акадэмію кіравання пры Прэзідэнце Рэспублікі Беларусь.
У 1986-1989 гадах працаваў інжынерам па тэхніцы бяспекі, сакратаром камітэта камсамола трэста сталовых Заводскага раёна г. Мінска, у 1989-1991 гадах - старшынёй прафкама Мінскага кааператыўнага тэхнікума Белкаапсаюза. З 1991 года - у выканкаме Заводскага райсавета народных дэпутатаў Мінска. З 1995 па 1998 год быў намеснікам дырэктара па камерцыйнай працы АТП "Універмаг "Беларусь", з 1998 па 2000 год - намеснікам кіраўніка адміністрацыі Заводскага раёна г. Мінска. У 2000-2005 гадах займаў пасаду першага намесніка генеральнага дырэктара СП "ГД на Нямізе" г. Мінска, у 2005-2008 гадах - першага намесніка начальніка галоўнага ўпраўлення спажывецкага рынку Мінгарвыканкама. У 2008-2009 гадах - начальнік упраўлення гандлю галоўнага ўпраўлення міжнароднага супрацоўніцтва і гандлю Апарату Савета Міністраў Беларусі. Калтовіч Уладзімір Васільевіч займаў пасаду старшыні Мінскай гарадской федэрацыі гандбола.
У 2009-2010 гадах працаваў намеснікам, першым намеснікам міністра гандлю, у 2010-2012 гадах - намеснікам старшыні Мінскага гарвыканкама. Апошнім месцам працы Уладзіміра Калтовіча было беларускае пасольства ў Маскве, дзе ён курыраваў пытанні гандлю (тры гады — з снежня 2012 года).
З снежня 2015 года Калтовіч Уладзімір Васільевіч прызначаны міністрам гандлю Рэспублікі Беларусь.